POESIE DEL NADAL
Propi bela e comovente la poesia “Nadal da sti ani” dela Dolores Keller, poetessa brava sia en talian che en nones, che la è nada entel Paradis l’an pasà, puec temp dopo el so om Fabio Widmann dit el Pinter. Lori doi i già grandi meriti parchè l’è sta i primi a valorizar la lingua nonesa ladina sia cole radio Set larsi a Coret e Anaunia a Clies, sia come primi fondatori dela asociazion “Rezia”, par l’impegno del riconosiment del Nones come lingua.
La Dolores la recorda el Nadal da sti ani, la preparazion del presepi e l’arbol; se nava calche dì prima a zerciar el muszo, dopo el glarin par le stradele, ma prima amo le vecle mobilie endoche se parezava el presepi: capanna, ciasote vecle, sentieri. I tirava fuera le statue dei pastori, dei… ogni bot crompadon en calun. L’era en gros impegno far la capanna e meter l’iluminazion cole flamele par render viu el Bambinel e conzentrarse el dì en Nadal a pregiar, a tirar fuer el bon che gen denter de noi, che despes el paran via enveze che eser semper boni spezialment cola zent, amizi e non.
Ecezional con la poesia “Prima de nadal” el nones del’Anselmo Chini e autretant en ricordo viu e fortisim de sti ani, canche se era boni de vardar e far fuer i sgrebeni e splanar l’argiàl entorna le ciase.
El poeta Tullio Pancheri el già propi en profondo senso del Nadal e dela Madona mama de Gesù, con la poesia ““na Madonina bèla con en “Rosari” al còl” enfati el se recorda che canche el vet la statua dela Madona entel so presepi l’encontrava i belisimi ocli dela mama de Gesù e el se empleniva de sodisfazion, de goduria, de gioia e gi niva na gran voia de pregiar e de recordar el presepi secondo la fede cristiana e l’è un dei pueci che recupera el senso profondo del Nadal.
Auguri de bon Nadal!
NADAL DA STI ANI
“Fa eco le ciampane
vizine e lontane
en te la Val, en coro le sona:
l’è Nadal, l’è Nadal!
Le ne met ados strani
e ne ven en ment i Nadai da sti ani.”
“Le strade le feven col sablon
e le ciasote col ciarton”.
“La sera la vizilia de Nadal
naven a messa a pregiar e ciantar.”
“Entel piat g’era puoc o ‘ngot
cater mondoi e puoce nos,
doi persece, zinc nosele,
en puoc en figi en le cordele.
Ancuoi i fa i presepi moderni
ma semper bei,
perché i valori del Nadal
i è semper chei.
En te sti dì de festa
sen tuti daben e contenti;
ge voruos che i duràs tut l’an
sti boni sentimenti.”
Dolores Keller
PRIMA DE NADAL
“Per s-ciaudarme ‘l còr
e l’anima ‘ngremida,
mi, prima de Nadal,
voròssi voutar fòr
chéi cater sgrèbeni
che i me zirconda
e po’, se ge la fon,
splanar l’argiàl,
se demò zapi l’onda,”
Enzì se podeva goderse
en puec de Nadal e veder
amò el Bambinel:
recordi propi de comozion.
“poròi veder ancora
el bambinèl de zéra
tra vèli de recordi
coloridi d’aurora.”
Anselmo Chini
“NA MADONINA BèLA
CON EN “ROSARI” al còl:
Na statua come chela
che g’è su io ‘n Zuòl.
Alor, se pensi e scrivi
la vardi ‘n bèl moment,
chi ocleti zelèsti e vivi
i me fa nir contènt
e zerci se son bòn
de regolar via tut
smaciar ‘nte ‘n cianton
el strac, el strani e ‘l brut!
Tullio Pancheri
